Maqedonia e Veriut iu bashkua listës së vendeve që kanë vendosur të ndalojnë fluturimet me Britaninë e Madhe pas frikes që ka ngjallur shfaqja e një varianti te ri dhe më infektues të koronavirusit në këtë shtet. Mediat në vendin fqinj thonë se vendimi është marrë jozyrtarisht në seancën e sotme të Shtabit për Menaxhimin e Krizave ne Shkup. Ndërkohë, ministria maqedonase e shendetesise njoftoi se se në mbledhjen e sotme, Komisioni për Sëmundje Infektive (KSI) ka miratuar dhe një masë të re, 14 ditë vete-izolim për të gjithë qytetarët të cilët do të mbërrijnë përmes fluturimeve direkt nga Britania e Madhe. Virusiet ne pergjithesi pesojnë mutacione gjatë gjithë kohës. Koronavirusi që u zbulua për herë të parë në Vuhan të Kinës, nuk është i njëjti që qarkullon në të gjithë botën. Mutacioni D614G është shfaqur në Europë në muajin shkurt dhe është bërë forma mbizotëruese e virusit. Një tjetër variant, i quajtur A222V, është përhapur po ashtu në kontinentin e vjertër dhe u lidh me pushuesit në Spanjë. Por varianti I ri, sipas një raporti të publikuar nga grupi këshillimor i Qeverisë britanike përhapet më shpejt se të tjerat. Të dhënat genetike tregojnë se ai është potencialisht më i transmetueshëm. Ky varianti ka pesuar nje mutacion të madh dhe shpjegimi më i mundshëm është se ai është shfaqur te ndonjë pacient me sistem shume të dobësuar imunitar, I cili nuk ka qenë në gjendje ta mposhtë semundjen.