Parlamenti i Maqedonisë së Veriut ka miratuar një amendament ligjor për faljen e personave që përballen me burgim për shkelje të rregullave të sigurisë në kohën e pandemisë Covid-19. 76 nga 77 ligjvënësit maqedonas votuan në favor të amnistisë, nga e cila do të përfitojnë më shumë se 200 njerëz që janë ende në process gjyqësor dhe rreth 90 që po kryejnë aktualisht dënimin me burg. Amnistia vjen pas propozimit të autoriteteve që menaxhojnë burgjet në vend, të cilët prej kohësh kanë ngritur alarmin për mbipopullim dhe vështirësi në menaxhimin e të dënuarve.