Një aksident i pazakontë u shënua mëngjesin e kësaj të marte në kryeqytet, në liqenin e Tiranës. Një automjet luksoz tip BMË, i cili vinte nga rruga e Kosovarëve përfundoi mbi digën e liqenit. Pamjet që ndiqni tregojnë momentin kur drejtuesi i automjetit Eldi Alushi me origjinë nga Durrësi vjen me shpejtësi skëterrë në drejtim të liqenit, ngjit skarpatën e më pas përplaset me digën e liqenit. Ngjarja u shënua në orën 05.00 të mëngjesit, ndërsa 26 vjecari u largua nga vendi i ngjarjes, duke marrë me vete edhe targat e automjetit, mënyrë kjo për ti shpëtuar gjurmimi nga policia, por më kot. Kamera e sigurisë në një parking në rrugën e Kosovarëve kanë filmuar momentin kur i riu me shpejtësi marramendëse ngjitet me shpejtësi drejt liqenit, duke u përplasur më pas me digën. 26 vjecari është shpallur në kërkim nga policia, ndërsa momentalisht nuk dihet nëse ai ka qenë vetëm apo i shoqëruar në momentin e përplasjes, apo nëse ka patur ndonjë send të kundraligjshëm në automjet.