Grupi i mercenarëve Ëagner, është vendosur shpesh herë në qendër të vëmendjes, me angazhimin e tij në frontin e betejës në lindje të ukrainës. Grupi, rekrutoi me dhjetëra e mijëra të burgosur, përfshirë vrasës e përdhunues, për të luftuar në ukrainë, duke u premtuar lirinë pas gjashtë muajve në fushëbetejë. Shumë prej tyre, besohet se kanë humbur jetën në luftime, por ata që mbijetuan për gjashtë muaj, morën faljen dhe janë kthyer në shtëpitë e tyre. E këtu, nis problemi... Tani banorët e këtyre vendeve kanë frikë për jetën e tyre... Vetë kreu i Vagnerit, Jevgeni Prigozhin, ka thënë se më shumë se 5 mijë kriminelë tani janë liruar, madje edhe me merita, për kontributin e tyre në luftë. Lirimi, ka nxitur frikën se ish kriminelët do të kryejnë krime të reja dhe frika po rritet me një seri krimesh të dhunshme që kanë si autorë ish mercenarë të Vagnerit. Dhe të paktën dy vrasje janë konfirmuar tashmë si të kryera nga ish të dënuar që Vagner i dha lirinë.