Ndërsa Papa benedikti XVI ishte i apasionuar pas muzikës, Papa Francesku kishte një lidhje të fortë me sportin e më konkretisht futbollin. Si argjentinas që ishte Ati i Shenjtë që ndërroi jetë këtë të hënë ka qenë një tifoz i këtij sporti të cilin ai e përkufizoi si lojën më e bukur dhe si një mjet për edukim dhe përhapjen e paqes, ndërkohë që në Vatikan ai ka pritur shumë yje të këtij sporti nga bashkëkombasit e tij Lionel Messi e Diego Armando maradona te Zlatan Ibrahimovic e Gianluigi Buffon. Pasioni i Papës për futbollin ishte i pandashëm nga San Lorenzo, klubi i zemrës së tij në Buenos Aires ku ai shkontë te shihte ndeshjet me babain dhe vëllezërit e tij. Ai u bë anëtar i këtij klubi dhe e mbajti këtë status edhe kur u bë Papë. Ai gjithnjë ishte i përditësuar me ecurinë e skuadrës së tij të zemrës falë edhe një prej gardianëve të Vatikanit që i linte në tryezë rezultatet e ndeshjeve dhe klasifikimin e San Lorenzos. Futbolli shpesh është krahasuar si një besim fetar për fansat e këtij sporti dhe papa Francesku shpesh ka mbajtur mesha masive në stadiumet e futbollit gjatë udhëtimeve të tij. Në vitin 2014, në Olimpico të Romës është zhvilluar një ndeshje interreligjioze për paqen me Papa Franceskun që ishte nismëtari i saj. Por jo vetëm kaq, pasioni i Papës për futbollit u bë frymëzues në xhirimin e një skene në filmin e Netflix ‘Dy Papët’ ku Papa benedikti dhe Francesku ndoqën finalen e Botërorit të 2014 mes Argjentinës dhe Agjentinës.