Administrata Tatimore ka lëshuar një thirrje drejtuar tatimpaguesve në të gjithë vendin, të deklarojnë saktë pagat e punonjësve për të shmangur kontrollet tatimore. Në kuadër të zbatimit të planit sektorial të turizmit dhe rritjes së pagesave për sigurimet shoqërore Administrata Tatimore informon të gjithë tatimpaguesit e këtij sektori se do të analizohen pagat e punonjësve të deklaruar në listëpagesa. Për tatimpaguesit që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e turizmit sipas tabelës të bërë publike, ku disa nga pagat sipas profesioneve janë si më poshtë. PSH. Në pagat e deklaruara një banakier nuk ka një rrogë më pak se 80.000 lekë, kamarieri 70 mije lekë, një kryekuzhinier 140 mijë lekë, magazinieri 75 mijë lekë, një pastrues dhomash 70 mijë lekë, kopshtar 70 mijë lekë, një pastrues peshu 70 mijë lekë. Këto janë disa prej pagave nga lista e gjatë me 45 profesionet e publikuara nga tatimet. Adminsitrata tatimore po ashtu thekson faktin se çdo tatimpagues që pagën e punonjësit të tij të deklaruar, për profesionet e sipërpërmendura ose të ngjashme me to, do ta ketë nën nivelin e pagës indicative do të bëhet objekt i verifikimeve të thelluara.