Zhvlerësimi i euros dhe dollarit përballë lekut ka ndryshuar edhe preferencën e qytetarëve dhe bizneseve mbi monedhën që zgjedhin të ruajnë kursimet e tyre. Të dhënat e Bankës së Shqipërisë tregojnë një rritje konstante të depozitave në lekë në tre muajt e fundit, ku kontribuesit kryesore janë bizneset dhe më pas individët. Sipas të dhënave, në prill depozitat bankare në total ishin 1.376 trilionë lekë. Nga këto 640 miliardë ishin kursimet në monedhën vendase, ndërsa depozitat në valutë të huaj numëronin 735 miliardë lekë të totalit. Banka e Shqipërisë raportoi se në qershor totali i depozitave biznese dhe individë bashkë arrit në gati 1.39 trilionë lekë, nga të cilat 655 miliardë të ruajtura në monedhën vendase dhe 733 miliardë në valutë. Shifrat tregojnë një rritje të totalit të depozitave, por rënie të depozitave bankare në euro dhe dollarë.