Sherbimi per ceshtjet e brendshme dhe ankesat, SHÇBA, dhe strukturat e tjera ligjzbatuese arrestuan në flagrancë në Korçë Dy punonjës policie, 2 doganierë dhe 1 shtetas jane arrestuar nga Sherbimi per ceshtjet e brendshme dhe ankesat SHCBA, për kontrabandë e shpërdorim detyre. Nga informacionet e mara në rrugë operative dhe në bashkëpunim me strukturat e tjera ligjzbatuese, SHÇBA kapi në flagrancë shtetasin N.N., pasi në aksin rrugor dogana Goricë–Diellas, pas kontrollit nga specialistët e Sherbimi per ceshtjet e brendshme dhe ankesat SHÇBA Korçë, në mjetin e tij u gjetën sasi të konsiderueshme mallrash ushqimore pa dokumentacion shoqërues. Pas veprimeve të para hetimore të kryera nën drejtimin e Prokurorisë pranë Gjykatës së Shkallës së Parë Korçë, Sherbimi per ceshtjet e brendshme dhe ankesat SHÇBA arrestoi në flagrancë punonjësit e policisë, për veprën penale “Shpërdorim detyre”, N/komisar P.B., 53 vjeç, Përgjegjës Turni në PKK Goricë; si dhe inspektorin R.D., 53 vjeç, Ndihmës/Specialist kontrollor në PKK Goricë. Arrestimi pasi nga veprimet hetimore të kryera është provuar se në momentin kur mjeti me drejtues shtetasin N.N. është paraqitur në kufi, nuk kanë ushtruar detyrën funksionale në vendin e shërbimit, duke lejuar kalimin e mallrave kontrabandë. Nga këqyrja e pamjeve filmike ka rezultuar se punonjësit e Policisë, edhe pse kanë pasur pamje vizuale të mallit, me mosveprim kanë favorizuar veprimet e kundërligjshme të punonjësve të doganës dhe këtij shtetasi për kalimin e mallit pa kryer procedurën e zhdoganimit. Materialet u referuan në Prokurorinë pranë Gjykatës së Shkallës së Parë Korçë për hetime të mëtejshme.