Kryeministri Edi Rama ka reaguar për thirrjen e disa protestuesve gjatë 2 ditëve të fundit të cilët kërkojnë shkarkimin e Drejtorit të Përgjithshëm të Policisë, Ardi Veliut. Teksa thote se pushteti merret me votë e jo me djegie dhe nuk mund të merret peng, rama tregohet i prere se nuk do ta shkarkoje drejtorine pergjithshem Ardi Veliu, pavaresisht protestave per kete, duke theksuar se largimi i lleshajt nuk eshte dobesi e shtetit. Kryeministri ka deklaruar se nuk do të lejojnë askënd që të rrënojë çka është ndërtuar me mund e me punë, ku Policia e Shtetit është një nga shembujt. Sipas Ramës, kjo e fundit nuk përfaqësohet nga politika e vjetër e dhunës dhe nga dhunuesit e nxitur prej saj. "Kërkojnë dorëheqjen e Drejtorit të Përgjithshëm të Policisë se ndryshe do djegin e shkatërrojnë? Ta harrojnë! shkruan nder te tjera kreu i qeverise. Policia e Shtetit as do merret dot peng, as do lëkundet dot nga politika e vjetër e dhunës e nga dhunuesit e nxitur prej saj! Policia e Shtetit nuk është një polic që vrau e që sot është në duart e drejtësisë dhe kush nuk do të respektojë ligjin do përballet me forcën e ligjit! Policia e Shtetit është një nga shembujt e ndryshimit, që vazhdon me mundin e shumë njerëzve çdo ditë! Shantazhet dhe dhuna ndaj policisë nuk kanë lidhje as me lirinë as me demokracinë" - shkruan Rama në Twitter.