Kryenegociatorët e Kosovës dhe të Serbisë, Besnik Bislimi dhe Petar Petkoviç kanë udhëtuar drejt Brukselit, për një një raund të ri bisedimesh në kuadër të dialogut për normalizimin e marrëdhënieve. Takimi u konfirmua nga zëdhënësi I BE, Peter Stano. Diplomati bëri me dije se fillimisht palët do të zhvillojnë takime të ndara me emisarin special në dialogun Kosovë - Serbi, Miroslav Lajçak, e më pas ky i fundit do të përpiqet të organizojë një takim trelateral. Për herë të fundit, Bislimi dhe Petkoviç u takuan në fillim të korrikut, por pa ndonjë rezultat. Bislimi e ka akuzuar atëkohë palën serbe se dëshiron vetëm zbatim të pjesshëm të Marrëveshjes Bazë për normalizimin e marrëdhënieve, ndërsa Petkoviq ka thënë se pala kosovare nuk dëshiron ta themelojë Asociacionin e komunave me shumicë serbe.