Shqipëria do të marrë masa shtesë sigurie për të kontrolluar mbërritjet pa viza deri në qershor të vitit 2027. Kështu thuhet në dokumentin e Bashkimit Europian për axhendën e reformave dhe planin e rritjes. “Komisioni Evropian mirëpret angazhimin e Shqipërisë në udhërrëfyesin e saj për sundimin e ligjit për të qënë në harmoni me politikën e vizave të BE-së, duke përfshirë ndërprerjen e regjimeve sezonale pa viza, të cilat nuk janë në përputhje me acquis të BE-së.” – thuhet në dokument. Ndërkohë, sipas të dhënave të INSTAT ka pasur një rritje të ndjeshme të numrit të lejeve të qëndrimit të dhëna nga Shqipëria gjatë viteve 2019-2023 për qytetarë që vijnë nga Afrika, Azia dhe Europa. Konkretisht nga 13,507 në 21,460 leje qëndrimi. Top News ju drejtua delegacionit të Bashkimit Europian në Tiranë për të marrë një koment nëse praktika e ndjekur për dhënien e lejeve të qëndrimit është konform direktivave të BE-së dhe nëse nevojiten ndryshime ligjore për këtë çështe.