Nga një aktivist në Ulqin, Dritan Abazoviç po shkruan historinë, duke u bërë Kryeministri i parë shqiptar i Malit të Zi. Presidenti malazez, Milo Gjukanoviq ia dha mandatin për formimin e qeverisë së re “vagabondit”, siç e kishte quajtur dikur politikanin nga Ulqini, kur ai ishte prej deputetëve më të zëshëm kundër qeverisë së tij në parlamentin e Malit të Zi. Tanimë Abazoviç do të drejtojë vendin fqinj, sic ka premtuar, drejt rrugës europiane, duke shkëputur të gjitha lidhje me ndikimin malinj të Rusisë dhe Kinën Politikani të cilit nuk i pëlqen nacionalizmi, në Kosovë ende nuk njihet shumë; në Shqipëri edhe më pak. Por në Mal të Zi 36-vjeçari që kishte doktoruar për shkenca politike në Sarajevë, tashmë është në mesin e figurave kryesore politike.