Kryeministri i Kosovës, Albin Kurti, ka dhënë të dielën detaje të dielën për takimet që zhvilloi gjatë qëndrimit treditor në Forumin Ekonomik në Delfi të Greqisë. Kurti ka njoftuar se gjatë kësaj vizite është takuar me homologët e tij nga Greqia, Bullgaria, Maqedonia e Veriut, Mali i Zi dhe Bosnje e Hercegovina, me të cilët ka biseduar për situatën në Ukrainë, lidhjet e Serbisë me Rusinë dhe rrezikun që këto vende paraqesin për destabilizimin e rajonit. Kurti thotë për paqen dhe stabilitetin afatgjatë është i domosdoshëm integrimi sa më i shpejtë dhe i plotë i Ballkanit Perëndimor në strukturat e Bashkimit Evropian dhe të NATO-s. Ai shtoi se në këtë forum është takuar me të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar, për të cilin njoftoi se i ka rikonfirmuar mbështetjen e SHBA-së për Kosovën Sovranitetin, integritetin territorial dhe për aspiratat për integrime evropiane dhe euroatlantike.