Kryeministri i Kosovës, Albin Kurti dhe presidenti i Serbisë, Aleksander Vuçic, kanë nisur takimet sot në Bruksel në kuadër të dialogut ndërmjet dy vendeve. Fillimisht kurti është takuar me të ngarkuarin e BE për Politikën e Jashtme, Josep Borrell dhe përfaqësuesin e BE për dialogun Kosovë-Serbi, Mirosav Lajçak. Më pas është radha e presidentit serb. Ndërsa takimi trepalësh, mes Kurtit, Vucicit dhe dy përfaqësuesve të BE, Borrell e Lajcak, ishte i treti në radhë. Para këtij raundi bisedimesh, diplomatët evropianë kanë thënë se e vetmja gjë e sigurt që pritet është mbajtja e takimit Vuçiq-Kurti. Ndërkohë që rezultatet e mundshme të bisedimeve dhe as hapat e ardhshëm të mundshëm në këtë proces nuk mund të parashikohet. Vlerësime të tilla të kujdesshme të ndërmjetësuesve në dialog bazohen në faktin se të dy negociatorët vijnë në Bruksel me pozicione krejtësisht të ndryshme për gati të gjitha temat - prej kornizës, parimeve, përbërjes e deri tek rezultati i dialogut për normalizimin e marrëdhënieve midis Serbisë dhe Kosovës. Kryeministrin e Kosovës, Albin Kurti thotë ndërkohë se do të fillojë një "dialog i ri", i cili "nuk mund të vazhdojë në formën e mëparshme". "Ne duam një dialog të përgatitur mirë, ku të gjithë duhet të jemi të barabartë", thotë Kurti duke shtuar se zgjidhja duhet të çojë në njohjen e reciproke mes këtyre dy vendeve. Ndërsa për presidentin e Serbisë, njohja e ndërsjellë është jashtë diskutimit.