Një i ri që po kurohej në sanatorium, pasi ishte infektuar me covid 19 i ka dhënë fund jetës, duke u hedhur nga kati i tretë. Ngjarja ndodhi rreth orës 4 të mëngjesit të kësaj të enjteje, ndërsa 29 vjeçari ishte i shtruar me disa ditësh. Viktima me inicialet XH.K ishte infektuar me covid dhe ndodhej në spital nën përkujdesjen e mjekëve. Policia në njoftimin e saj zyrtar nuk ka detaje të tjera lidhur me ngjarjen, përvec faktit se ai ka ndërruar jetë menjëherë. Pas kësaj, një grup hetimor ka kryer veprimet proceduriale. Në kuadër të hetimeve janë marrë në pyetje edhe një pjesë e stafit mjekësor, si dhe persona të tjerë. Por deri tani nuk ka të dhëna mbi motivet që e kanë detyruar të riun të ndërmarrë një akt të tillë.