Katër persona janë vënë në pranga nga policia e Dibrës, pasi dyshohet se në bashkëpunim me njëri tjetrin kanë kultivuar bimë narkotike në bregun e lumit Drini i zi. Uniformat blu bënë me dije se në pranga janë vënë Bujar Tanushi, 35 vjeç, Edmond Tanushi, 37 vjeç, Rrahman Tanushi, 27 vjeç, Fitim Tanushi, 23 vjeç, të gjithë banues në fshatin Zall Reç, në Dibër. Burimet policore bënë me dije se kishin marrë inforacione nga qytetarët se në këtë zonë kultivohej lëndë narkotike. Për pasojë, gjatë një kontrolli të imtësishëm, efektivët e policisë konstatuan një sipërfaqe të konsiderueshme toke të mbjellur me lëndë narktoike. Ndërkohë, vijon puna për identifikimin dhe kapjen e autorëve të tjerë të implikuar në këtë aktivitet kriminal”. Materialet procedurale i kaluan Prokurorisë pranë Gjykatës së Shkallës së Parë Dibër, për veprën penale “Kultivim i bimëve narkotike”, kryer në bashkëpunim.