50 vatra zjarri janë evidentuar gjatë 24 orëve të fundit, ku 19 prej tyre vijojnë të jenë aktive. Në qarkun e Tiranës, vijon aktiv zjarri në vendin e quajtur “Mali i Bërzhitës”, fshati Ibë, ku forcat operacionale vijojnë punën për shuarjen e tij. Në fshatrat Damjan dhe Isufaj të Vaqarrit, ministria e Mbrojtjes, bën me dije se në lartësi ka rënë zjarr I përmasave të mëdha, ndërsa për shuarjen e tyre po vepron edhe një avion Canadair kroat nga ajri. Po në bashkinë Tiranë, në fshatin Ferraj dhe Zall-Herr, vatrat e zjarrit janë përhapur në sipërfaqe me shkurre dhe ferra. Situata sipas mbrojtjes paraqitet e e ndërlikuar dhe rrezikohen banesa, ndërsa forcave në terren u janë bashkuar 2 helikopterë Blackhaëk të Emirateve të Bshkuara Arabe. Autoritet kanë evidentuar edhe një vatër zjarri në kodrat e Selitës, por terreni mbetet I vështirë përshkak se nuk ka akses për kalueshmëri mjetesh.