Ministria për Evropën dhe Punët e Jashtme ka bërë me dije rregullat e reja për të udhëtuar drejt Zvicrës. Edhe pse i gjithë vendi është nën presionin e pandemisë, dhe rastet e reja apo numri i viktimave cdo ditë e më shumë është në rritje, shqiptarët gjithësesi e kanë mendjen tek udhëtimet. Përmes një postimi në Facebook, ministria shkruan se duke filluar nga data 22 janar, personat të cilët janë të vaksinuar ose që janë shëruar nga Covid-19, nuk do t’ju kërkohet më të paraqesin një test negativ PCR ose test të shpejtë antigjen, përpara se të hyjnë në Zvicër. Më tej, thuhet se pë ata që udhëtojnë me avion apo me autobus nga distanca të gjata, duhet të plotësojnë një formular për tu future në kufionjët e Zvicrës. Përjashtim për të paraqitur një test anti-covid janë fëmijët nën moshën 16 vjeç, emergjencat mjekësore dhe personat që për arsye mjekësore nuk mund te testohen. ‘Nga rregullat e sipërpërmendura përjashtohen drejtuesit e automjeteve që kryejnë transport dhe personat që tranzitojnë në Zvicër pa ndaluar.’, përfundon njoftimi i ministrisë për Evropën dhe Punët e Jashtme.