Roma është shpallur kryeqyteti evropian i gropave, e kjo falë një rrjeti tunelesh romake dhe mesjetare që kanë bërë që rrugët e qytetit të konsumohen nga një mori carjesh të stërmëdha. Po rritet ndërkohë frika në romë për shpejtësinë me të cilën tunelet nëntokësore po shemben, pasi mesatarisht 100 gropa të mëdha shfaqen cdo vit. Më herët këtë javë, dy makina të parkuara, një fuoristradë dhe një makinë smart, u zhdukën në mënyrë shokuese në një gropë gjashtë metra të thellë dhe 20 metra të gjatë në lagjen Torpignattara. Askush nuk u lëndua në incidentin që u lidh me një rrjedhje në një garazh poshtë tokës. E kjo carje është vetëm më e fundit në një seri të gjatë kolapsesh katastrofike në kryeqytetin italian, pasi një carje prej 5 metrash u shfaq në maj të vitit të shkuar ndërsa një gropë gjigande, prej mb i 9 metrash gëlltiti gjashtë makina në 2018-ën. Këto carje dhe gropa që shkaktohen nga kombinimi destabilizues i terrenit ranor të rajonit dhe shtresave me rrënoja të vjetra mbi të cilat është ndërtuar pjesa më e madhe e qytetit modern. Besohet se uji që hyn në hapësirat e nëndheshme ka bërë që tunelet antike të shemben me një nivel më të shpejtë vitet e fundit. Rrjeti i tuneleve të lashta ka shkaktuar shpesh carje në romë, prej vitesh, por ekspertët besojnë se problemi po përkeqësohet me mesatarisht 100 carje që shfaqen cdo vit në qytet. 20 gropa të mëdha u hapën vetëm në dy muajt e parë të 2021, ose mesatarisht një në cdo tre ditë.