Është përshkruar si një njëri “jashtëzakonisht me fat”. Por fati këtu ndoshta, nuk ka të bëjë më shumë sesa vetë fuqia e australianit të kthyer në protagonist të ngjarjes së cuditëshme, apo edhe qetësia e jashtëzakonshme e tij. 44 vjecari arriti të shpëtonte nga nofullat e një krokodili që I kishte kafshuar kokën, duke I hapur ato vetem me forcen e duarve te tij. Burri ka marrë disa plagë të lehta, ndonëse ata që e kanë parë thonë se shenjat e dhëmbëve janë shumë të dukshme në fytyrën e tij. ngjarja ndodhi në kohën kur australiani ishte duke notuar në liqenin Placid, pranë Cairns. Kur mbërritën ekipet e emergjencës, e gjetën mjaft të qetë, ndërsa plagët në kokë, shpatull dhe gishtat e dorës, nuk janë të rënda. 44 vjecari është në formë mjaft të mire fizike. Ai shprehet se sapo të bëhet ëm mirë, do të kthehet të notojë në të njëjtin liqen. Liqeni Placid ndodhej në një park mjaft popullor e të frekuentuar edhe për barbecue, por kohët e fundit atje ka pasur disa probleme me krokodilët.