Vizitën e kryeministrit Rama në Greqi, Athina zyrtare nuk e sheh me sy të mirë. Kreu I qeverisë greke, në një intervistë për gazetën ProtoThema, pohoi se Rama nuk do e vizitojë Greqinë si mysafir por për të folur me bashkëatdhetareët e tij, duke I mëshuar faktit që vizita nuk është me karakteristika dypalëshe. Por përtej kësaj, ka shtuar kreu i qeverisë greke që ka shprehur pakënaqësinë e tij që ky tur po ndërmeret në kushtet e zgjedhjeve europiane duke e quajtur të panevojshëm. “Është e drejtë e tij, një zgjedhje që më duket e panevojshme, prandaj thashë që është një zgjedhje e panevojshme. Ne kemi probleme me marrëdhëniet greko-shqiptare”, tha Mitsotakis ndërsa shtoi se çështja e arrestimit të Fredi Belerit është tashmë europiane. I pyetur në se qeveria greke mund ta ndalonte tubimin e Edi Ramës, Mitsotakis tha se nuk do të ndërmarrë asnjë veprim pasi kjo është një e drejtë e garantuar me Kushtetutë. Kryeministri grek ka theksuar se gjithashtu qeveria e tij nuk ka edhe ndonjë arsye të veçantë për ta lehtësuar këtë tubim.