Kosova kërkon reciprocitet të plotë me serbinë dhe sa herë ka tentuar ta arrijë këtë, ka patur konflikte. Por, qytetarët në veri të Kosovës janë të lodhur nga tensionet dhe kërkojnë zgjidhje. Dojce Vele sjell rastin e një 52 vjecari, serb të kosovës. Ai prej 20 vitesh jeton në veri të Mitrovicës, por makina e tij ka targa serbe. E jo vetëm kaq... Edhe pse është shtetas i Kosovës dhe jeton këtu, ai është çregjistruar zyrtarisht nga Kosova për të marrë pasaportën serbe. Nëse e pyet për këtë, ai përgjigjet i nervozuar. "Thjesht dua të mund të udhëtoj me familjen time, kjo është gjithçka që kërkoj”. Cështja e targave dhe dokumenteve, është e ndërlikuar. Kosova, dikur pjesë e ish-Jugosllavisë, ka qenë një shtet i pavarur de fakto që nga viti 1999 dhe shpalli pavarësinë e saj në vitin 2008. Por Serbia nuk e njeh shtetësinë e Kosovës – dhe kjo ka pasoja drastike në jetën e përditshme të njerëzve në Kosovë. Ata nuk lejohen të hyjnë në Serbi me pasaporta kosovare apo me shenja dhe simbole zyrtare – siç janë targat e makinave. Anasjelltas, si përgjigje ndaj presionit ndërkombëtar, Kosova deri më tani ka ndjekur një praktikë tjetër: ka lejuar dokumentet e identitetit dhe targat serbe të hyrjes në vend.