Delegacionet e Kosovës dhe Serbisë pritet që të nënshkruajnë të martën një marrëveshje për energjinë. Gjatë takimeve të zhvilluara në Bruksel, të martën, në kuadër të dialogut për normalizim të marrëdhënieve mes dy shteteve, dy palët do të dalin po ashtu me një deklaratë të përbashkët për të zhdukurit e luftës. Zëvendëskryeministri i Kosovës, Besnik Bislimi kryenegociatori I Kosovës në dialog me Serbinë, paralajmëroi po ashtu se është pranë finalizimit të një marrëveshje me palën serbe e për çështjen e energjisë. Ai tha se kjo çështje do të rregullohet “duke respektuar marrëveshjen e arritur në muajin prill të vitit 2013”. Marrëveshja e vitit 2013, e arritur në kuadër të dialogut Kosovë-Serbi që ndërmjetësohet nga Bashkimi Evropian, parashikon që përveç kompanisë shtetërore, në Kosovë të licencohet edhe një kompani tjetër për shpërndarjen e energjisë. Në këtë mënyrë, qytetarvë të Veriut të Kosovës nuk do tu vijnë më në shtëpi fatura energjie nga kompania shtetërore serbe por nga një kompani tjetër po serbe, e cila është e regjistruar në mënyrë të ligjshme në Kosovë dhe I paguna taksat Prishtinës zyrtare.