4 zyrtarë të Bashkisë Dimal, janë arrestuar me kërkesë të SPAK, teksa akuzohen për veprat penale “Ushtrimi i ndikimit të paligjshëm ndaj personave që ushtrojnë funksione publike”, “Shpërdorim detyre” dhe “Korrupsioni pasiv i personave që ushtrojnë funksione publike”. Të arrestuarit janë - Altin Pali, Drejtor i Urbanistikës Bashkia Dimal, Agim Cuni, Specialist te Emergjencat Bashkia Dimal, Arben Guraj, Përgjegjës i sektorit të Shërbimeve Bashkia Dimal V. J. (me detyrë në kohën e kryerjes së veprës penale shefe urbanistike pranë Bashkisë Dimal). Ndaj Shefes së urbanistikës së kësaj Bashkie është dhënë masa arrest në shtëpi. Po ashtu në pranga kanë rënë edhe dy persona të tjerë, përkatësisht A. D. (me profesion inxhinier pranë një shoqërie tregëtare) dhe V. K. (me profesion ekonomist, menaxher i një shoqërie tregëtare).