Gjykata ka vendosur masën “Arrest me burg” për dy administratorët e kompanisë ‘Masabi Fruits’ . Klajdi Xibraku dhe Erion Peti u vunë në pranga nga policia pak ditë më parë, pasi në kontejnerin ku ndodhedhin bananet që kishin porositur ata, u gjetën dhe 143 kilogramë kanabis. Seanca u zhvilluame dyer të mbyllura, për shkak të pandemisë. Administratorët e kompnaisë kanë mohuar akuzat dhe kanë rrëfyer se nuk kanë lidhje me drogën e kapur që vinte nga Ekuadori bashkë me bananet e tyre. Megjithatë, hetimet e kryera nga SPAK dhe prokuroria e Durrësit, çuan në arrestimin e dy kushërinjve. Policia ka pasur informacion më herët që në një kontenier që ishte nisur nga porti i Guajakilit në Ekuador, fshihej kokaina. Droga ishte fshehur në tavanin e kontejnerit e ndarë në 200 pako të mbështjella me natriban dhe me kodet e mbishkruara si “më e mira”; “Vëlla” dhe foton e Pablo Escobar.