Goditja e rasteve të kultivimit apo trafikimit të lëndëve narkotike në vend, është kthyer në një nga prioritet kryesore të policisë së shtetit, ku shpesh herë drejtori i përgjitshëm Gledis Nano ka theksuar se do të ketë zero tolerancë ndaj personave të përfshirë në të tilla veprimtari kriminale. Këtë të martë është goditur një tjetër rast i shpërndajres së drograve të forta. Në pranga është vënë 36 vjecari banues në Roskovec, pasi u kap duke shpërndarë drogë me automjet. Policia e Fierit bëri me dije se në bazë të informacioneve të marra në rrugë policore se një shtetas që qarkullonte me automjet, shpërndante kokainë në doza të gatshme për shitje. Gjatë kontrollit të ushtruar në automjetin e tij tip "Benz", iu gjet nje sasi lëndë narkotike kokainë e ndarë në 35 doza gati për shitje, të cilat u sekuestruan në cilësinë e provës materiale së bashku me automjetin dhe 1 celular. Materialet i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e narkotikëve”.