Anketa vjetore e klimës së biznesit nga shoqata e investitorëve të huaj në Shqipëri vëren përmirësim të ndjeshëm te treguesit që lidhen me shërbimet e marra nga administrata e doganave dhe tatimeve. Sipas anketës, tre të katërtat e bizneseve të huaja vlerësojnë se nuk kanë asnjë problematike në marrëdhënien me administratën doganore dhe pothuajse i njëjti numër vlerëson pozitivisht edhe sistemit e prokurimit dhe të procedurave të tjera, që tashmë kanë kaluar online. I pranishëm ne aktivitetin e prezantimit të rezultateve të kësaj ankete, ministri i Financave, Ervin Mete tha se përmirësimi i një sërë treguesish në anketimin e realizuar, si ato që kanë të bëjnë me administratën tatimore dhe doganore, nivelin e transparencës, konkurrencën, si edhe nivelin e burokracisë me të cilën përballen bizneset, dëshmojnë se kemi pasur rezultate pozitive në këtë drejtim.