Një anije hapësinore kineze, që ka në bord pajisje dhe furnizime, është ankoruar me sukses në modulin e e stacionit të ardhshëm hapësinor të vendit. Raketa Long March 7, e ngarkuar me ushqime dhe pajisje, u nis të shtunën nga sajti i lancimit Wenchang, në ishullin jugor tropikal Hainan. Ndërkohë, bashkimi me modulin e stacionit hapësinor Tianhe u realizua në orën 5.01 minuta të së dielës. Kina do të duhet të kryejë rreth 10 misione në total për të përfunduar të gjithë stacionin hapësinor në orbitë, të quajtur Tiangong, ose pallati në parajsë. Stacioni pritet të bëhet tërësisht operacional në 2022. Pasi të përfundojë ai pritet të qëndrojë në orbitën e poshtme të tokës për afro 15 vite. Me daljen e mundshme në pension të stacionit hapësinor ndërkombëtar pas vitit 2028, Tiangong mund të bëhet stacioni i vetëm i njerëzimit në orbitën e tokës. Tani që anija që transportoi mallra është ankoruar, kina planifikon të nisë përgatitjet për të dërguar atje tre astronautë që do të shkarkojnë ngarkesën që përfshin edhe ushqime. Pekini ka hedhur miliarda në programin e tij hapësinor në përpjekje që të fitojë terren kundrejt rusisë dhe SHBA, me projekte në orbitën e tokës dhe me uljen e një misioni të telekomanduar në hënë dhe në mars. Por ajo është kritikuar shumë nga shba dhe nga shumë ekspertë për shkelje të rrezikshme të etikës në hapësirë, pasi la të binte në tokë në mënyrë të pakontrolluar, më herët këtë muaj, një pjesë të raketës së saj që lancoi modulin bërthamë Tianhe në orbitë. Edhe pse autoritetet kineze thonë se janë të hapur për bashkëpunim të huaj në stacionin hapësinor, qëllimi i këtij bashkëpunimi nuk është iq artë. Sidoqoftë, agjencia hapësinore evropiane ESA ka dërguar astronautë në kinë të trajnohen për punime në stacionin Tiangong, kur ai të jetë gati.