Kina do të ndezë një tjetër pandemi në botë, ndoshta edhe më të rëndë se koronavirusi, nëse nuk mësohet nga pësimet e këtij shpërthimi – paralajmërojnë ekspertët. Bota po vazhdon të përpiqet të ringrihet ndërsa koronavirusi vazhdon të vrasë, duke i marrë jetën më shumë se 3.3 milionë njerëzve e duke regjistruar mbi 700 mijë raste të reja në një ditë. Presioni ndërkohë po rritet mbi partinë komuniste për të nxjerrë mësime nga situata por Pekini vazhdon të përpiqet ta hedhë fajin tjetërkund. Të hënën u bë e ditur se tre shkencëtarë në një laborator në Vuhan u sëmurën ndërsa virusi u shfaq së pari. Ndërkohë një panel i pavarur doli në përfundimin se përhapja shkatërrimtare e virusit ishte e parandalueshme dhe kina ishte shumë e ngadaltë në ndarjen e të dhënave për sëmundjen e re. Studimet kineze janë përpjekur të tregojnë se virusi lindi tjetërkund, diplomatët në pekin kanë nxitur ndërkohë teori konspirative si ajo që virusi ka dalë nga një laborator armësh biologjike amerikan dhe partia komuniste është akuzuar se është përpjekur të mbulojë virusin. Janë të shumtë ndërkohë shkencëtarët perëndimorë që besojnë se pandemia mund të ketë nisur me një rrjedhje nga një laborator biologjik në Vuhan dhe që druajnë se edhe një tjetër virus vrastar mund të dalë që andej. Ekspertët po ashtu i kanë kërkuar qeverisë kineze për të lejuar një hetim ndërkombëtar që do të shkonte përtej atij të OBSH, në mënyrë që një pandemi e tillë të mos përsëritet më. Është e njohur se kina ka kryer shumë kërkime të rrezikshme dhe të diskutueshme për sa i takon etikës, që në shumë vende perëndimore nuk do të lejoheshin. Madsje javën e kaluar u bë e ditur se shkencëtarët kinezë po merrnin në konsideratë shndërrimin në armë të koronaviruseve në 2015, por sidoqoftë, nuk ka ndonjë lidhje të dukshme mes covidit dhe këtij projekti.