Ish-Oficeri I Forcave Operacionale Jeton Lami ka apeluar dënimin me 2 vite e 10 muaj burg dhënë nga gjykata e Lezhës. Në kërkesën e tij të Apelit, Jeton Lami kërkon pafajësi nga vepra penale e shpërdorimit të detyrës, e cila i është atribuar për shkak se ai shoqëronte të shumëkërkuarin Ervis Martinaj. Por Lami pretendon se nuk ishte në dijeni që Ervis Martinaj ishte i shpallur në kërkim ndërkombëtar. Sipas tij një informacion i tillë u jepet eprorëve dhe kjo gjë nuk i është komunikuar oficerëve të tjerë. Pavarësisht se prokuroria e Lezhës ka tentuar disa herë për ta marrë në pyetje në lidhje me fatin e Ervis Martinaj Lami nuk ka pranuar të bashkëpunojë me akuzën.