Media shtetërore në korenë e veriut pretendons e jetimët po dalin vullnetarë trë punojnë në minierat dhe fermat e vendit. Agjencia e lajmeve KCNA tha se qindra fëmijë të zgjuar dhe me kurajo, në rininë e hershme të tyre, kanë zgjedhur të punojnë për vendin. Mosha e tyre nuk bëhet e ditur por fotot sugjerojnë se ata janë adoleshentë. Grupet e të drejtave të njeriut prej kohësh kanë akuzuar korenë e veriut se detyron fëmijët të punojnë, dicka që vetë shteti e mohon. Në shkurt, BBC raportoi për aludime se gjeneratat e të burgosurve koreano jugorë të luftës po përdoren si skllevër në minierat e qymyrit në korenë e veriut, për të gjeneruar para për regjimin dhe programin e tij të armatimit. Rreth 26 milionë banorë besohet se jetojnë në korenë e veriut, që udhëhiqet nga një qeveri me një kontroll të rreptë në të gjitha pjesët e jetës së njerëzve. Ka patur disa raportime gjatë javës së shkuar për të ashtuquajturit vullnetarë që po punojnë në të gjithë vendin. Të shtunën, KCNA tha se 700 jetimë kishin dalë vullnetarë për të punuar në fabrika, ferma dhe pyje. Më herët, të enjten, KCNA kishte raportuar se dhjetëra fëmijë i ishin drejtuar një miniere për të përmbushur premtimin e tyre për të ripaguar deri në qindrakën e fundit dashurinë që partia ka treguar për ta. Departamenti amerikan i shtetit e akuzon ndërkohë korenë e veriut se po praktikon format më të rënda të punës së fëmijëve. Sipas të dhënave, ndonjëherë zyrtarët dërgojnë fëmijë shkolle për të punuar në projekte speciale, si heqja e borës nga rrugët apo përmbushja e planeve të punës.