Gjykata e Tiranës ndryshoi masën e sigurisë në ‘arrest shtëpie’ për Mariela Berishën nga arrest në burg, ndërsa la të pandryshuar masën “detyrim për paraqitje” për motrën e saj, Antonela Berisha. Në dëshminë në gjykatë dy motrat janë shprehur se blogerja Klea Prenga i kishte provokuar. Antonela dhe Marinela Berisha u vetëdorëzuan në polici mbrëmjen e së 16 Tetorit pas më shumë se dy muajsh në kërkim. Ato u praqitën në ambiente te drejtorisë së policisë së kryeqytetit rreth orës 19:00. Dy motrat dhunuan disa muaj më parë me grushte dhe shishe qelqi blogeren Klea Prenga në një lokal në Tiranë, teksa kjo e fundit ishte duke darkuar me miqtë e saj. Motrat Berisha I shkaktuan blogeres plagë të shumta në fytyrë, të cilat sipas ekspertizës mjekësore janë të pariparueshme. Antonela dhe Marinela Berisha u vendosën nën hetim pas denoncimit të bërë në rrjetet sociale nga ana e Prengës e cila u shfaq në ambientet e spitalit duket treguar plagët që kishte marrë si pasojë e dhunës së ushtruar dy motrat.