Edhe pse janë të dy në moshë të thyer mbretëresha e Britanisë së Madhe Elisabeta e Dytë dhe bashkëshorti i saj Princi Philip kanë bërë vaksinën kundër Covid-19. Çifti mbretëror është vaksinuar nga një mjek i tyre në Ëindsor, por nuk dihet se cilën vaksinë kanë marrë ata, pasi në Britani janë duke u përdorur të tre vaksinat e çertifikuara tashmë, Pfizer, Moderna dhe Astrazeneca. Mbretëresha 94-vjeçare vendosi që ta bënte publik lajmin, për të rritur besimin mes popullit dhe për të parandaluar spekulimet e mëtejshme mbi vaksinat. Mbretëresha, 94, dhe Princi Philip, 99 vjeç, janë mes rreth 1.5 milionë njerëzve në Mbretërinë e Bashkuar që kanë bërë dozën e parë të vaksinës Covid. Çifti mbrëtër kanë qëndruar gjatë periudhës së izolimit nëAngli në shtëpinë e tyre në Windsor, pasi vendosën të kalonin një Krishtlindje të qetë në rezidencën e tyre në Berkshire, në vend të ceremonisë tradicionale të familjes mbretërore në Sandringham. Muajin e kaluar, Mbretëresha u shfaq së bashku me disa anëtarë të tjerë të vjetër të familjes mbretërore për herë të parë që kur filloi pandemia e koronavirusit. Gjatë 2020-ës për gati shtatë muaj midis marsit dhe tetorit, mbretëresha nuk mori pjesë në angazhime publike jashtë një rezidence mbretërore. Britania e Madhe nisi ë para procesin e vaksinimit në botë javën e parë të dhjetorit të vitit që lamë pas, pas miratimit të vaksinës Pfizer. Njerëzit e moshës mbi 80 vjeç në Mbretërinë e Bashkuar janë ndër grupet që kanë përparësi për t’u vaksinuar. Pamjet: AFP