Takimi mes udhëheqësit të Koresë së Veriut Kim Jong Un dhe presidentin rus, Vladimir Putinin, në Pekin, u shoqërua me një aksion pastrimi të menjëhershëm nga stafi koreano-verior. Pak pas përfundimit të takimit, stafi i Koresë së Veriut hyri në dhomë dhe pastroi plotësisht të gjitha mobiliet që Kim Jong Un kishte prekur dhe hoqi gotën e tij. Duket se punëtorët donin të eliminonin çdo gjurmë të ADN-së së presidentit të tyre. “Pas negociatave, stafi që shoqëronte udhëheqësin e Koresë së Veriut shkatërroi me kujdes të gjitha gjurmët e pranisë së Kim-it,” raportoi gazetari rus Alexander Yunasev në kanalin e tij. “Ata morën gotën nga e cila piu, fshinë pëlhurën e karriges dhe të gjitha mobiliet që preku”, tha ai. Megjithatë, Putin dhe Kim u larguan nga zyra dukshëm të kënaqur dhe shkuan të pinin çaj. Mbetet e panjohur nëse Kim Jong Un urdhëroi pastrimin sepse i frikësohet inteligjencës ruse apo kineze.