Kam arritur, shkroi Milorad Dodik në rrjetin X mbrëmë, tre orë pas mesnate. Megjithatë, presidenti i Republikës Serbe, për të cilin është lëshuar një urdhër arresti, nuk ka treguar se ku ndodhet. Burime të afërta me Dodik thanë për median boshnjake, Istragu, se presidenti i Republikës Serbe ka udhëtuar nga Beogradi në Moskë pasi ai u dëbua nga Jerusalemi ku kishte shkuar për një konferencë antisemitizmi. Autoritetet e Izraelit kërkuan nga Dodik të largohej pasi ai kërkohet nga gjykata e Bosnjes pas dënimit me një vit burg. Dyshohet se Dodik ka përdorur një avion privat drejt Moskës. Pasditen e së shtunës ai njoftoi se kishte “arritur”. Pse Dodik udhëtoi për në Moskë me fluturim të rregullt? Tri ditë më parë, Gjykata e Bosnjes urdhëroi lëshimin e një urdhër-arresti ndërkombëtar për Dodik. Në momentin e publikimit, Sekretari i Përgjithshëm i Interpolit ende nuk e kishte miratuar lëshimin e fletarrestit dhe vendimi përfundimtar duhet të merret në ditët në vijim. Listën e pasagjerëve e dinë vetëm Rusia dhe Serbia, përkatësisht shtetet prej nga ngrihet dhe ulet avioni. Udhëtimi me një fluturim të rregullt pothuajse i garanton Dodik një kthim në Beograd, edhe nëse Interpoli miraton më pas një urdhër arresti.