Policia kufitare në pikën e kalimit kufitar në Morinë kap dhe vë në pranga një shtetas nga Kosova të shpallur në kërkim ndërkombëtar. Arrestimi provizor i tij u bë në bashkëpunim me Interpol Tiranën me qëllim ekstradimin në shtetin austriak. Ndalimi i shtetasit 48 vjeçar nga Kosova është bërë në kuadër të masave të shtuara dhe shkëmbimit të informacionit me Interpol Tiranën. Gjatë përpunimit dhe verifikimit të të dhënave në sistem, në hyrje të Pikës së Kalimit Kufitar të Morinës, ky shtetas rezultoi person në kërkim ndërkombëtar, pasi organet e Drejtësisë në Vjenë kanë lëshuar për të urdhër-arrestin ndërkombëtar, për veprën penale "Vjedhja me dhunë". Materialet i kaluan Prokurorisë së Rrethit Gjyqësor Kukës, për veprime të mëtejshme.