Romano Prodi, ish kryetar I Komisionit Europian dhe ish kryeministër I Italisë I ka tërhequr vëmendjen qeverisë italiane për të qenë më aktive në politikën e saj diplomatike me Shqipërinë. Në një koment të publikuar në të përditshmen italiane Il Messaggero, Romano Prodi, thekson se vendet Europiane në përgjithësi duhet të jenë më pranë zonave jugore të Europës për t’i mbështetur ato dhe për ta illustruar këtë ide të tij ai ka dhënë shembullin e Shqipërisë “Midis këtyre, unë mendoj se nevoja për vëmendje më e madhe eshte për Shqipërinë. Pasi Italia, me misionin Alba në 1997, kontribuoi fuqimisht në qetësimin e Shqipërisë dhe afrimin e saj me demokracitë perëndimore, të dy vendet janë integruar fuqishëm me njëra-tjetrën”, thekson ish-kryeministri i Italisë në atë periudhë të vështirë për Shqipërinë. Pasi thekson se se shtatëqind mijë shqiptarë jetojnë në Itali dhe se dyqind mijë prej tyre madje kanë shtetësi të dyshtë, Prodi nënvizon se këto janë marrëdhënie njerëzore me rëndësi unike. Gjithashtu ai ndalet edhe tek intesiteti I marrëdhënieve ekonomike midis dy vendeve, por duke këmbëngulur në aspektin njerëzor