Meghan Markle ishte mjaft nervoze përpara takimit të parë me Princin William, jo vetëm sepse ai ishte vëllai i madh I partnerit të saj, por edhe sepse do të gjendej përballë mbretit të ardhshëm të Anglisë. Harry ia prezantoi nëntorin e vitit 2016 Williamit në Kensington Palace ish aktoren, që ishte asokohe e dashura e tij. Libri I ri mbi Meghan dhe Harry, Finding Freedom, pretendon se Dukesha e Sussex në fakt, shqetësohej më kot sepse takimi rezultoi një sukses I vërtetë. Williami e priti shumë mirë, duke e shkrirë akullin që në fillim. Të tre ata patën një takim mjaft të këndshëm për caj, por aty mungonte Kate Middleton. Sipas autorëve të librit, Meghani mbeti shumë e zhgënjyer që Kate nuk e priti. Ajo kishte shkuar me fëmijët në Anmer Hall, në shtëpinë verore të ciftit në Norfolk. Edhe pse Williami u soll mjaft mirë, duket Meghani e ka mbajtur “ vëth në vesh” indiferencën e dukeshës së Kembrixhit, me të cilën më vonë marrëdhëniet u krisën.