Presidenti amerikan Donald Trump deklaroi të premten se kishte urdhëruar vendosjen e dy nëndetëseve bërthamore në përgjigje të komenteve "shumë provokuese" sic tha ai të një zyrtari të lartë rus. “kam urdhëruar që dy nëndetëse bërthamore të pozicionohen në rajonet e duhura. Fjalët janë shumë të rëndësishme dhe shpesh mund të çojnë në pasoja të paparashikuara, shpresoj se ky nuk do të jetë një nga këto raste, tha presidenti amerikan pa specifikuar nëse bëhëej fjalë për nëndetëse me energji bërthamore apo të armatosura me armë bërthamore. Ai gjithashtu nuk dha detaje mbi vendndodhjet, të cilat mbahen sekrete nga ushtria amerikane. Teksa njoftoi tarifat ndëshkuese për Indinë si një ndëshkim se i blen armë dhe naftë Rusisë Trump iu drejtua ekonomive të tyre me termin “të vdekura”, e pikërisht nga kjo frazë ish presidenti rus Medvedev reagoi duke e ftuar Trump të kujtonte filmat e tij të preferuar për 'Ëalking Dead' dhe sa e rrezikshme mund të jetë 'dora e vdekur' fiktive". Termi "dorë e vdekur" i referohet konceptit të një sulmi automatik hakmarrës bërthamor në rast se komanda e lartë dhe udhëheqësit kryesorë neutralizohen në sulmin e parë. Bëhet fjalë për një sistem që garanton se vendi do të jetë në gjendje të hakmerret me një sulm bërthamor edhe nëse armiku arrin të shkatërrojë një pjesë ose të gjithë komandën ushtarake.