Vijojnë të jenë në kurbë ngjitjeje infektimet e reja nga koronavirusi. Ministria e Shëndetësisë ka raportuar për 379 raste të reja me covid 19, si pasojë e 5339 testimeve të kryera ndaj personave të dyshuar. Kjo është shifra më e lartë e infektimeve që nga marsi, kur pandemia ishte ende me shumë raste të reja dhe viktima. Tiana vijon të ketë numrin më të lartë të infektimeve ditore me 111 raste të reja, 34 janë shënuar në Lezhë, 33 në Durrës, nga 22 raste në Lushnje dhe Vlorë, 21 në Fier, 19 në Berat, 17 në Kavajë, 15 në Shkodër, 14 në Elbasan, 11 në Sarandë, nga 8 raste në Vaun e Dejës dhe Gramsh, 7 raste në Kuçovë, nga 6 raste në Krujë, Kamëz, 4 infektime janë shënuar në Mat dhe më pak raste ka pasur në disa bashki të tjera. Gjatë 24 orëve të fundit është sghënuar edhe një humbje jete, që është një qytetar 79 vjec nga Elbasani. Numri i viktimave që nga fillimi I pandemisë ka shkuar në 2461 persona. Ndërkohë në Spitalin Infektiv po marrin trajtim spitalor 38 pacientë. Me shtimin e infektimeve është rritur edhe numri I rasteve aktive në vend, dhe Aktualisht janë 2,091 pacientë aktivë me COVID19. Konfirmohet se janë shëruar 39 qytetarë gjatë 24 orëve të fundit, duke e çuar numrin e të shëruarve në 130,588 që nga fillimi i epidemisë. Ndërsa numri i përgjithshëm i infektimeve që nga fillimi i pandemisë ka shkuar 135,140 persona. Edhe në këtë komunikim për mediat ministria e Shëndetësisë ka bërë apel që qytetarët të drejtohen në qenddart e vaksinimit për t’u vaksinuar, pasi muaji gusht ëhstë I hapur për imunizimin e të gjithë personave mbi 18 vjec.