Numri i të vaksinuarve nga covid 19 që nga fillimi procesit më shumë se dy muaj e gjysmë më parë ka arritur në 100 mijë persona. Lajmin e ka bërë të ditur ministrja e Shëndetësisë Ogerta Manastirliu përmes një postimi në rrjetet sociale. Vetëm të martën në qendrat e vaksinimit në të gjithë vendin janë kryer 21 536 vaksinime. Manastuirliu në statusin e saj shprehet optimiste se tashmë po aftohet drita në fund të tunelit. Ministrja e Shëndeteisë sqaron se që prej fillimit të fushatës së vaksinimit antiCOVID janë kryer në total 119,321 vaksinime , doza të para dhe të dyta. Vaksinimi masiv i popullatës nisi të dielën, pas mbërritjes fundjavën që shkoi të 192 mijë vaksinave kineze Sinovac nga distributori i prodhimit në Turqi, të siguruara pas negociatave të qeverisë me palën kineze. Vaksimini po vijon me të moshuarit mbi 80 vjeç dhe të gjithë stafin arsimor dhe akademik në vend. Qeveria ka siguriuar në total 500 mijë doza vaksinash Sinovac, por ka marrë garanci për 1 milionë doza. Ndërkohë i javë më parë erdhen edhe 10 mijë vaksina ruse Sputnik V, si dhuratë nga princi i kurorës së Emirateve të Bashkuara. Më herët në vendin tonë mbërritën edhe 38 mijë vaksinat e astrazeneca të parapaguara përmes mekanizmit Covax me të cilat po vijon vaksinimi i personelit arsimor. Ndërkohë nga kontrata e parë e vaksinave e nënshkruar më kompaninë amerikane Pfizer, kanë mbërritur rreth 48 mijë vaksina. Në total deri më tani Shqipëria ka administruar rreth 282 mijë vaksina anticovid. Kryeministri i vendit Edi Rama gjatë ditëne niojes së vaksinimit masiv se deri në fund të majit do të përfundojë vaksinimi për 500 mijë persona dhe procesi i imunizimit të popullatës do të arrihet më shpejt nga sa ishte planifikuar.