Nasa ka publikuar imazhe mahnitëse të pjesës qendrore të galaksisë sonë, pjesë kjo e dhunshme dhe super energjike. Imazhi, një ndërthurje e 370 vëzhgimeve të bëra gjatë dy dekadave të shkuara, të marra nga vëzhgimet e observatorit orbital Chandra X-ray, tregojnë miliarda yje dhe një mori vrimash të zeza në qendër të rrugës së qumështit. I lancuar në 1999, Chandra është në një orbitë ekstreme ovale. Një radio teleskop në afrikën e jugut ka kontribuar gjithashtu për imazhin. Astronomi Daniel Ëang, nga universiteti i masacusetsit thotë se ai ka kaluar një vit duke punuar me imazhin, ndërsa ishte i mbyllur në shtëpi gjatë pandemisë së koronavirusit. Ajo që ne shohim në këtë imazh – thotë ai, është një ekosistem i dhunshëm dhe energjik në qendër të galaksisë sonë. Ka shumë mbetje të supernovave, vrima të zeza dhe yje neutronë. Cdo pikë apo element përfaqëson një burim energjie, pjesa më e madhe e të cilëve janë në qendër – thotë ai. Qendra e galaksisë është 26 mijë vite dritë larg tokës.