Kryesia e Partisë Demokratike miratoi më 20 shkurt listën e kandidatëve për primaret që do të mbahen në datën 1 mars Brenda PD, por duke u dhënë afat edhe 2 ditë më shumë, konkretisht deri më 22 mars, atyre që aspirojnë të jenë kandidatë, por nuk kanë mundur të plotësojnë e dorëzojnë në kohë dokumentacionin. Nisur nga kjo, mësohet se listës përfundimtari i janë shtuar rreth 20 kandidatë të tjerë, mes të cilëve ish-prokurori i Arjan Ndoj, të cilit iu bë atentat në vitin 2019, teksa udhëtonte me Landi Muharremin apo njohur si Rrumi i Shijakut. Ndërsa humbi jetën shoferi i tij, Andi Maloku. Arjan Ndoj është shkarkuar nga Vettingu, e tani synon të hyjë në politikën aktive si kandidat për deputet i PD për Qarkun e Durrësit. Po ashtu në këtë listë të re është futur edhe Xhemal Gjunkshi për Dibrën, ish-mbështetës i Lulzim Bashës. Për Gjunkshin vendimi vjen pasi nuk është larguar asnjëherë nga kjo forcë politike, përkundër qëndrimeve të mbajtura. Lista e re pritet të miratohet nga Kryesia e Partisë Demokratike e më pas t’i nënshtrohet votës së anëtarësisë në rang qarku më 1 mars.