Një statujë gjigande e një princi mesjetar serb, u inaugurua në beograd mbrëmjen e të mërkurës, por ka ndezur një debat të ashpër në vend: A është një nderim i bukur i një ikone historike apo një shëmti monstruoze që ka okupuar një shesh publik? Statuja prej bronzi e princit Stefan Nemanja, një princ i shekullit të 12, themelues i shtetit serb, ngrihet për më shumë se 23 metra në një lagje të beogradit. Presidenti serb, aleksander vucic, e cilësoi atë gjënë më të bukur që kishte parë ndonjëherë. “Ky monument është i madh sepse historia jonë është e madhe. Është i rëndë sepse historia jonë shpesh ka qenë e tillë”, tha Vucic në ceremoninë e inaugurimit, në të cilën merrnin pjesë me qindra njerëz. Sidoqoftë, shumë kritikë, mendojnë të kundërtën, me historianët, artistët dhe arkitektët që e kanë kritikuar monumentin duke thënë se ai është aq i madh sa që zvogëlon historinë që duhej të përfaqësonte. Një arkitekt i njohur e cilësoi madje atë si një akt terrorizmi urban. “Është dicka monstruoze, e shëmtuar dhe dëmton zonën përreth”, tha historiania Dubravka Stojanovic. Monumenti, përshkruan princin me fytyrë të ashpër, që mban një shpatë në dorë, mbi një helmetë gjigande bizantine që është sa thuajse gjysma e përmasës së monumentit. Në mediat sociale, imazhi është krahasuar me Saruman, një karakter i serisë Zoti i Unazave, që qëndron mbi një vezë prej cokollate. Cmimi i saktë i monumentit është mbajtur i fshehtë nga autoritetet e qytetit, të paktënd eri në 2023, një vit pas zgjedhjeve të pritshme lokale në beograd. Autori i tij është ndërkohë një artist Rus, Alexander Rukavishnikov. Por autoritetet lokale të Beogradit kanë kujtuar se edhe kulla Eifel apo Statuja e Lirisë, u panë së pari, nuk u pëlqyen, por sot janë vepra të mëdha arti.