Piktori dhe restauratori i njohur, Mustafa Arapi është ndarë nga jeta pas infektimit me covid 19. Ai ishte i shtruar prej disa ditësh në spitalin “Shefqet Ndroqi” për shkak të komplikacioneve me sëmundjen ,por për fat të keq nuk ia ka dalë. Lajmin e hidhur të ndarjes nga jeta e bëri me dije vajza e tij, Dorina Arapi me anë të një postimi në rrjete sociale ku shkruan: “Sot në mesnatë, babi im u largua nga jeta Drita, dielli, bota, shtylla e familjes sonë u shua. Ba! Dua të të kujtoj kështu të qeshur gjithmonë! Të duam përjetësisht!”, thuhet në postimin e saj. Ajo prej disa ditësh bënte postime të ndryshme në rrjete sociale teksa falenderonte miqtë dhe dashamirësit për mbështetjen që i jepnin familjes në këtë kohë të vështirë. Mustafa Arapi lindi më 23 korrik 1950 në Tiranë, Shqipëri. Ai u diplomua në Akademinë e Arteve në 1979, për Artet e Bukura. Pasi u diplomua në Akademinë e Artit ai u caktua në Institutin e Monumenteve të Kulturës në Tiranë. Në saj të punës së e tij u bë e mundur restaurimi i shumë ikonave fetare, afreske, piktura, ikonostase dhe piktura murale në kisha të ndryshme përfshirë Kishën e Shën Nikollës në Shelcan, Kishat e Shën Michael dhe Shën Pjetrit në Vithkuq, Kisha e Shenjtë e Ringjalljes në Mborje, Kisha e Shën Nikollës, Perondi në Berat , Manastiri i Shën Gjergjit në Sarandë, etj. Shumë prej ikonave të Onufrit janë restauruar prej tij. Ai punoi si profesor në Akademinë e Arteve nga 1985 deri në 1991. Pastaj, gjatë 1993–2006 ai ishte Shefi i Departamentit të Punëve të Artit në Institutin e Monumenteve të Kulturës