Kur presidenti rus, Vladimir Putin, coi forcat e tij në Ukrainë, një vit më parë, shumë vëzhgues prisnin një fitore të shpejtë për pushtuesit. Ato parashikime nuk u materializuan për shkak të një serie faktorësh, sic thonë ekspertët, përfshirë moralin e lartë dhe taktikat ushtarake superiore në anën ukrainase, por edhe mbështetjen e perëndimit. E edhe pse tani flitet për tanke perëndimore lufte e për sisteme të mbrojtjes ajrore patriot, që do të ndikojnë padyshim në rezultatin e luftës, këto sisteme ende nuk janë përdorur në luftime. Por, ka armë të tjera që kanë ndihmuar deri më tani në ndryshimin e kursit në fushëbetejë. Ja cilat janë tre armët kryesore që ukrainasit i kanë përdorur me pasoja shkatërrimtare... Të parat në listë janë raketat Javelin. Në fillim të luftës, pritej që kolonat e blinduara të rusisë të hynin në kiev. Por ishin javelinët ata që e shkërrmoqën këtë skenar. Raketat precize antitank, mund të mbahen në sup nga një person dhe janë shumë të lehta për tu përdorur.