Britanikët që shkojnë në Francë duhet të karantinohen për të paktën shtatë ditë dhe të ofrojnë një test negativ koronavirusi për shkak të frikës për përhapjen e variantit indian të koronavirusit. Të ardhurit nga britania do të vetëizolohen në përpjekje për të ndaluar përhapjen e mutacionit të ri – tha një zëdhënës i qeverisë franceze, Gabriel Attal, pas një mbledhjeje të qeverisë të mbajtur mbrëmjen e të mërkurës. Të ardhurit nga britania do të jenë nën mbikqyrjen e policisë dhe do të dënohen me gjoba nga 1 deri në 1500 euro për shkeljen e rregullave. Këto masa të reja do të hyjnë në fuqi të hënën dhe kërkojnë një test negativ të 36 orëve të fundit para hyrjes në francë, ose test antigjenesh të bërë 24 orë pas hyrjes. Vendimi i francës pason atë të austrisë që tha më herët se do të ndalonte fluturimet direkte dhe vizitat turistike nga britania dhe gjermania. Edhe 15 vende të tjera, përvec britanisë së madhe, janë në listën franceze që kërkon karantinë të detyrueshme në hyrje, mes tyre brazili, india, argjentina dhe turqia.