Policia ka intensifikuar hetimet për të gjetur shkaqet e vdekjes në mënyrë enigmatike të gruas 37 vjeccare, trupi i së cilës u gjet në një kanal në lagjen “Ahmet Haxhija” në Shkodër. Viktima e identifikuar si Leze Qosja, u gjet pjesërisht e dekompozuar, ndërsa sipas policisë në trupin e pajetë të 37 vjecares nuk u gjetën shenja dhune, gjë që hedh poshtë mundësinë se gruaja mund të jetë dhunuar fizikisht, vrarë, apo keqtrajtuar. Gruaja viktimë kishte lindur në Tropojë dhe ishte banuese në fshatin Dobraç të Shkodrës, por policia nuk ka dhënë detare të tjera lidhur me statusin e saj. Nuk dihet se prej sa ditësh ka ndërruar jetë 37 vjeccarja, ndërsa pritet ekspertiza mjekoligjore, e cila do të përcaktojë shkakun, apo shkaqet e vdekjes.