Attica rikthehet në izolim të plotë, e pas saj edhe zona të tjera të konsideruara të kuqe të pandemisë do të hyjnë në karantinë në Greqi. Arsyeja e vendimit të rreptë të qeverisë greke është rritja e menjëhershme e rasteve në rajonet në fjalë. Greqia regjistroi 1500 infektime të reja gjatë 24 orëve të fundit. kryeministri Kyriakos Mitsotakis e bëri njoftimin gjatë një fjalimi në parlament, pasi më herët ishte konsultuar me ekspertët kryesorë të sëmundjeve infektive në vend, me të cilët zhvilloi një takim të jashtëzakonshëm. Nga ora 6 e mengjesit të së enjtes, masat e jashtëzakonshme shtrënguese do të hyjnë në fuqi në Atikë ku do të mbyllen të gjithë shkollat e dyqanet. Hapur do të qëndrojnë vetëm supermarketet, farmacitë, pikat e karburantet dhe dyqanet e bukës. Restorantet do të ofrojnë vetëm shërbim delivery ose merr me vete. Dyqanet e veshjeve, parukeritë, qendrat estetike, kishat etj do të mbyllin dyert deri në 28 shkurt.Maskat dhe distancimi fizik do të vazhdojnë të mbeten të detyrueshme në cdo situatë, e do të shtohet puna nga shtëpia. Duhet të bëjnë gjithcka sipas ekspertëve vendas, për të kufizuar përhapjen e virusit dhe një valë të tretë të sëmundjes me qëllim të shmanget mbingarkimi I sistemit shëndetësor, të ndodhur tashmë nën një presion të madh.