Greqia ka vendosur që të mos e hapë kufirin me Shqipërinë. Mësohet se vendi fqinj ka shtyrë përsëri masat bllokuese me Shqipërinë deri në datë 8 nëntor. Urdhri i formës së prerë është se nuk mund të lëvizë asnjë qytetar shqiptar për arsye turistike apo për vizita familjare. Të drejtën e kalimit në Greqi e kanë vetëm rezidentët që janë me letra atje, shtetasit që kanë një kontratë pune në shtetin grek, personat për arsye shëndetësore apo studimore me rekomandimet përkatëse. COVID-19 në Greqi vijon të përhapet me shpejtësi. Qeveria ka marrë disa masa kufizuese dhe ka hyrë në fuqi bllokimi në disa rajone. Raportohet se duke nisur nga dita e hënë, në Greqi nis një valë tjetër masash shtrënguese, kryesisht në kryeqytetin Athinë. Kështu nuk do të lejohen grumbullimet me më shumë se 9 persona; në dasma dhe funerale nuk lejohen më shumë se 20 persona, ndërsa mbyllen kinematë dhe koncertet por jo teatrot. Ndërsa i është kërkuar sektorit publik dhe privat që 40% e punonjësve të punojnë nga shtëpia. Sa i përket personave mbi 65 vjeç, u është kërkuar që të mos përdorin transportin publik dhe të mos takohen njeri për të paktën 14 ditë